طبعا كل اللى بيقروا الكلام ده دلوقتى عندهم فيسبوك , بس عشان انت عندك فيسبوك يبقى انت شخص مش عادى..اه مش عادى عشان لما تعرف ان فى مصر حوالى 80 مليون مواطن و 9 مليون بس اللى عندهم فيسبوك هتعرف انك مش عادى !!
تخيل 9 مليون مصرى على الفيسبوك بس ,يعنى حوالى 11.25% من الشعب..الأغرب بقى لما تكتشف ان ال 9 مليون دول حوالى 3 مليون و 700 الف بس اللى اعمارهم بتترواح من 18-24 سنة !! ده احنا قليلين أوى يا جدع !!
أمريكا بالصلاه ع النبى ( و كل من له نبى يصلى عليه) عندها 155 مليون مشترك من أصل 308 مليون نسمة تقريبا .. يعنى نص أمريكا بتقعد ع الفيسبوك .. يعنى لو فكروا بس يعملوا حرب كومنتات معانا الفيسبوك هيقع فى مصر و هيبقى لا حول لنا ولا قوة.
فاحنا طالما مش قد امريكا يبقى نعمل حرب مع نفسنا هنا ع القد كده و حاجة محندقة.
عايز تعمل حرب ع الفيسبوك تعمل ايه بقى ؟؟ تقوم رازعلك بيدج و لمملك كام الف فيها و اول ما تكبر يبدأ الهبل بقى يشتغل..
ما هى ديانتك ؟ - مسلم و أفتخر - مسيحى و أفتخر - يهودى و أفتخر - ملحد
الأدمن بعبقريته الفذة ايا كانت ديانته شايف ان من حق كل واحد يفتخر الا الملحد !! يبقى ابن كلب وواطى
يعنى لو انت مسلم ولا مسيحى ولا يهودى ازاى شايف الديانات التانية فخر و الالحاد و العياذ بالله هو اللى مش فخر ,اشمعنى الملحد ميفخرش يعنى ؟
النقطة التانية ان احنا زى ما قلت 9 مليون مصرى ع الفيسبوك و حوالى 8-10 مليون مسيحى فى مصر يعنى 10%
فسيادتك لو حسبتها نسبة و تناسب و قلت ان فالـ 9 مليون فيسبوكى 10% مسيحيين يعنى 900 الف
لما حضرتك تطرح سؤال زى اللى فات لو انت مسلم بتعمل فتنة يعنى و عايز تبين ان احنا كتير ؟؟ طب يابو الذكاء ما الفيسبوك فى اكتر من 800 مليون مشترك لو فهموا السؤال مش هتلاقى نفسك مسحته لأن المسلمين قليلين ع الفيسبوك
و تحدانى واحد يهودى انى اجمع مليون مسلم فى شهر .. نفسى أفهم هو بيتحداك ليه ؟؟ ما هو ممكن يعمل صفحة هو ويجمع الناس اللى بيكرهوا المسلمين و يشتغل مع نفسه و خلاص و هيجيب عدد اكبر منك مليونين مرة
- ما هو أعظم كتاب فى التاريخ ؟ - القرأن - الأنجيل - التوارة
لا يختلف التخلف فى الحالتين فالمعنى واحد و الهدف واحد كل واحد بيعتنق ديانة معينة هيختار الكتاب بتاعها و فى ناس مُسلمين بيختاروا الأنجيل و التوارة و ساعات ملحد و يهودى .. بستغرب من الاختيار بس بقول أكيد مختارين عند او اكونتات وهمية عشان يبقى ليها غرض تانى
خلاصة الموضوع انت مش محتاج تجاوب على سؤال من الأسئلة دى صدقنى .. الأسئلة دى لا هتزودك ولا هتنقصك ولا ربنا هيعاقبك لو مجاوبتش ولا هو ذنب ولا سنة ولا حلال ولا حرام .. هى مجرد أسئلة تدل على تفاهة أدمن الصفحة لا أكتر ولا أقل
من فضلك .. متجاوبش ع الأسئلة دى تانى و متديش الفرصة لحد انه يخلى دماغك تافها و تتخانق مع ناس انت بتحبهم بسبب الاسئلة العبيطة دى
الرسول صلى الله عليه وسلم قالها زمان لَكُمْ دِينُكُمْ وَلِيَ دِينِ و نازلة فى كتاب ربنا ..
دى مش عقلية ناس فاهمة و واعية و عملت ثورة الدنيا كلها بتكلم عنها .. من فضلك متخليش مكان للعقليات دى بيننا هنا.
تخيل 9 مليون مصرى على الفيسبوك بس ,يعنى حوالى 11.25% من الشعب..الأغرب بقى لما تكتشف ان ال 9 مليون دول حوالى 3 مليون و 700 الف بس اللى اعمارهم بتترواح من 18-24 سنة !! ده احنا قليلين أوى يا جدع !!
أمريكا بالصلاه ع النبى ( و كل من له نبى يصلى عليه) عندها 155 مليون مشترك من أصل 308 مليون نسمة تقريبا .. يعنى نص أمريكا بتقعد ع الفيسبوك .. يعنى لو فكروا بس يعملوا حرب كومنتات معانا الفيسبوك هيقع فى مصر و هيبقى لا حول لنا ولا قوة.
فاحنا طالما مش قد امريكا يبقى نعمل حرب مع نفسنا هنا ع القد كده و حاجة محندقة.
عايز تعمل حرب ع الفيسبوك تعمل ايه بقى ؟؟ تقوم رازعلك بيدج و لمملك كام الف فيها و اول ما تكبر يبدأ الهبل بقى يشتغل..
ما هى ديانتك ؟ - مسلم و أفتخر - مسيحى و أفتخر - يهودى و أفتخر - ملحد
الأدمن بعبقريته الفذة ايا كانت ديانته شايف ان من حق كل واحد يفتخر الا الملحد !! يبقى ابن كلب وواطى
يعنى لو انت مسلم ولا مسيحى ولا يهودى ازاى شايف الديانات التانية فخر و الالحاد و العياذ بالله هو اللى مش فخر ,اشمعنى الملحد ميفخرش يعنى ؟
النقطة التانية ان احنا زى ما قلت 9 مليون مصرى ع الفيسبوك و حوالى 8-10 مليون مسيحى فى مصر يعنى 10%
فسيادتك لو حسبتها نسبة و تناسب و قلت ان فالـ 9 مليون فيسبوكى 10% مسيحيين يعنى 900 الف
لما حضرتك تطرح سؤال زى اللى فات لو انت مسلم بتعمل فتنة يعنى و عايز تبين ان احنا كتير ؟؟ طب يابو الذكاء ما الفيسبوك فى اكتر من 800 مليون مشترك لو فهموا السؤال مش هتلاقى نفسك مسحته لأن المسلمين قليلين ع الفيسبوك
و تحدانى واحد يهودى انى اجمع مليون مسلم فى شهر .. نفسى أفهم هو بيتحداك ليه ؟؟ ما هو ممكن يعمل صفحة هو ويجمع الناس اللى بيكرهوا المسلمين و يشتغل مع نفسه و خلاص و هيجيب عدد اكبر منك مليونين مرة
- ما هو أعظم كتاب فى التاريخ ؟ - القرأن - الأنجيل - التوارة
لا يختلف التخلف فى الحالتين فالمعنى واحد و الهدف واحد كل واحد بيعتنق ديانة معينة هيختار الكتاب بتاعها و فى ناس مُسلمين بيختاروا الأنجيل و التوارة و ساعات ملحد و يهودى .. بستغرب من الاختيار بس بقول أكيد مختارين عند او اكونتات وهمية عشان يبقى ليها غرض تانى
خلاصة الموضوع انت مش محتاج تجاوب على سؤال من الأسئلة دى صدقنى .. الأسئلة دى لا هتزودك ولا هتنقصك ولا ربنا هيعاقبك لو مجاوبتش ولا هو ذنب ولا سنة ولا حلال ولا حرام .. هى مجرد أسئلة تدل على تفاهة أدمن الصفحة لا أكتر ولا أقل
من فضلك .. متجاوبش ع الأسئلة دى تانى و متديش الفرصة لحد انه يخلى دماغك تافها و تتخانق مع ناس انت بتحبهم بسبب الاسئلة العبيطة دى
الرسول صلى الله عليه وسلم قالها زمان لَكُمْ دِينُكُمْ وَلِيَ دِينِ و نازلة فى كتاب ربنا ..
دى مش عقلية ناس فاهمة و واعية و عملت ثورة الدنيا كلها بتكلم عنها .. من فضلك متخليش مكان للعقليات دى بيننا هنا.
