فى شوارع مصر الجديدة

ماشيين فى شوارع جانبية
ماحناش عارفين رايحين فين
نطلع من شارع و نخش فى شارع
شكلنا تايهيين احنا الأتنين
قعدنا فى محطة اوتوبيس
اوتوبيس عدى و الناس بصيت باستغراب
دولا حبايب ولا اصحاب
اصلنا مش ماسكين فى ايدين بعض
و بينا مسافة مبيّنة بُعد
قاعدين ساكتين و الكلام خلصان
فجأة قالتلى مبقاش فى مكان ؟
قلتلها أنا آسف غلطتى فى العنوان
قالتلى ده بيتى من و احنا صغيرين
قلتلها خلاص ده كان زمان
بعتى و راح و اللى كان كان
محدش بيفضل على حاله
و فى قلبى مبقاش فى مكان
بصت بعيد و سكتت
و لمحت دمعة هتنزل
مقدرتش أشوفها بتعيط
جوايا حاسسنى متلخبط
مش عارف مالى ايه جرالى
دى حبيبتى و اتغير حالى
و رجعت بتفكيرى للحظة
لاقيت الأوان كان فات
قولتلها يالا هنتحرك
و مشينا و بقيت الذكريات